La pagxaro lernu.net estis, dum multaj el cxiaj 14 jaroj, la plej ampleksa kaj multlingva pagxaro por lernado de Esperanto. En julio de 2016, la pa?aro estis komplete refarita de nulo. La laboroj pri la nova pagxaro dauxris kelkajn jarojn: necesis krei la kurson kun multegaj ekzercoj, desegni centojn da ilustragxoj, verki la gramatikon, trovi diversajn tekstojn por la biblioteko, vogxigi la tekstojn kaj kompreneble traduki, aspektigi kaj programi gxion. La nova pagxaro nun aspketas kaj funkcias pli bone kun modernaj komputiloj kaj por telefonoj, kaj ankaux estas pli facile navigebla. Estis refarita ne nur la aspekto de la pagxaro, sed ankaux la tuta enhavo. La pagxaro ekhavis tre grandan, interesan kurson, ricxan bibliotekon, kaj tute novan forumon. Ni kore invitas vin viziti la novan pagxaron, se vi ankoraux ne faris tion.

La laboroj pri la pagxaro plu dauxras, kaj ni havas multajn planojn kaj ideojn, kiujn ni volas realigi. Ni enkondukis pli da sekureco al la profiloj de la uzantoj. Ni invitas vin viziti la pagxaron, se vi tion ankoraux ne faris en la lastaj monatoj. Dum via vizito via profilo aux tomate transiros al la nova sistemo, kaj viaj datumoj estos pli sekuraj.

Ni kore esperas ke vi elektos ne nur uzi la pagxaron, sed ankaux helpi gxin. Ekzemple, vi povas kontroli, cxu gxi estas plene tradukita al via lingvo kaj se ne, vi povas helpi tradukigxin. Krome ni esperas ke vi finance subtenos nian laboron, por helpi nin dauxrigi la aldonadon de funckioj al la pagxaro. cxiujn informojn pri tio vi trovos e la pagxo: http://lernu.net/eo/subteno.